Рэчыцкі краязнаўчы музей - базіс гісторыі і культуры свайго краю, які прадстаўлены новымі экспазіцыямі, новым будынкам, а галоўнае - фондам, які штогод папаўняецца больш чым пяццюстамі новымі прадметамі. Музей заснаваны 3 мая 1952 г., першых наведвальнікаў прыняў у лістападзе 1954 г. З моманту свайго заснавання музей набыў добрыя традыцыі ў адукацыі і выхаванні насельніцтва, прапагандзе гісторыі і культуры роднага краю. За гэтыя гады ў фонды музея паступіла больш за 30 тысяч прадметаў матэрыяльнай і духоўнай культуры (на 01.01.2012 г. - 30031 адзінка захоўвання). Сабраны значныя калекцыі археалогіі, нумізматыкі, фалерыстыкі, жывапісу, прадметаў працы і быту сялян Рэчыцкага краю, беларускай нацыянальнай вопраткі, ткацтва, фатаграфій, дакументаў і іншае. У экспазіцыйных залах "Старажытная гісторыя краю", "Рэчыца на мяжы XIX-XX стст." "Вялікая Айчынная вайна", "Савецкі перыяд і навейшы час", "Нашы землякі", "Этнаграфія" "Прырода краю" прадстаўлены матэрыялы, якія характарызуюць гісторыю нашага краю, пачынаючы з VI тысячагоддзя да н. э. і да сучаснасці. Музей - памяць аб мінулым, аснова для сучаснасці і будучага.

Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.